सप्तकोसी नगरपालिका भित्रका मस्जिद लगायत वरिपरि बसोबास गर्ने स्थानीयको आरडिटि टेस्ट

बैशाख-७
सप्तरी सम्वादाता अर्चना परियार

सप्तरीको सप्तकोसी नगरपालिका भित्र रहेका मस्जिद र त्यस वरिपरि बसोबास गर्ने केही स्थानीय ब्यक्तिहरुको आज नोबेल कोरोना भाइरस (कोभिड -19) को संक्रमणको आशंकामा आरडिटी  परिक्षण गरिएको छ ।
   वडा नम्बर २ सिद्धिपुर मा ४ महिला सहित ६५ जाना र वडा नम्बर ४ मा ५ महिला सहित ३१ जानाको अारडिटि परिक्षण गरिएको जिल्ला जनस्वास्थ्य प्रमुख दुनियालाल यादबले जानकारी दिए। अारडिटि परिक्षणमा सबैको रिपोर्ट नेगेटिभ देखिएको यादवले बताए । आरडिटी पश्चात्  सप्तकोशि नगरपालिका भित्र कोभिड 19 को सन्त्रास केहिहद सम्म सामान्य बनेको छ ।
       उदयपुरको बोक्सेमा रहेका मुस्लिम जमातिमा कोभड 19 को संक्रमीत भेटिएपछि उनीहरुको पहिले सम्पर्कमा रहेको सप्तकोसी नगरपालिका वडा नम्बर १,२ र ४ मा रहेको मस्जिद लगायत त्यस वरिपरिका स्थानीय व्यक्तिहरुको समेत आरडिटी परिक्षण गरिएको र त्यसमध्ये वडा नम्बर १ का एक ७२ वर्षिय पुरुषमा अारडिटि परिक्षण पोजिटिभ देखिएको नगर प्रमुख शर्माले बताए ।
         आरडिटी परिक्षणको क्रममा आज सप्तकोसी नगरपालिकाका प्रमुख उत्तम कुमार शर्मा, वडा नम्बर ४ का वडा अध्यक्ष बद्री नारायण चौधरी, केही राजनीति दलका प्रतिनिधि र स्थानीय पत्रकार लगायत केही स्थानीयबासिहरुको समेत आरडिटी परिक्षण गरिएको छ ।